Barleti Volej ka vazhduar me serinë e fitoreve në kampionat, por trajneri i kësaj skuadre Hasan Gurabardhi ka qenë i pakënaqur me lojën e skuadrës së tij. Pa Xhixhën, por dhe pa organizatoren Xheka, dhe Gurabardhi, krahas Brahos, Tucit, Bicit e lojtares së lirë Fagu, ka aktivizuar Xhelilajn dhe Picakun. Mirëpo gjërat nuk shkojnë ashtu si mund të parashikohej, apo si mund të imagjinohej për një fitore në kohë rekord të Barleti Volejit.

Sepse në setin e parë në pushimin e parë teknik, Skënderbeu është në epërsi 7-8. Me shumë lëvizje në skuadër, por dhe me shumë vështirësi, Barleti Volej kthen në rezultat 16-10 dhe në fund 25-20 me një Eleni Bego në një formë të mirë dhe të jashtëzakonshme për korçaret. Në setin e dytë, edhe pas shkundjeve të Gurabardhit, Barleti Volej është në epërsi të rezultatit gjatë gjithë kohës.

8-4, 9-7, 11-9, 16-12, 19-12 dhe në fund 25-13. I treti që nga fillimi deri në fund është nën udhëheqjen e vajzave të trajnerit Gurabardhi, që fiksojnë rezultatin 25-11 dhe krejt ndeshja 3-0. Pikëshënuesja më e mirë e ndeshjes Eleni Bego e Skënderbeut me 15 pikë pasuar nga Bici e Barleti Volejit me 14 pikë. Në bllok ka dalë fituese Thaka e Barleti Volejit me 3 mure rezultative, si dhe Braho e Barleti Volejit me dy rezultative.

Në shërbim është dalluar Xhelilaj e Barleti Volejit me dy të sakta. Në total, në 3 sete Barleti Voleji ka shënuar 75 pikë prej të cilave 47 pikë vetë, kurse 28 pikë kanë ardhur nga gabimet e korçareve me një mesatare prej 9.3333 pikë për set. Sakaq në krahun tjetër Skënderbeu ka shënuar në total 54 pikë në tre sete prej të cilave 33 pikë vetë, kurse 21 pikë kanë ardhur nga gabimet e Barleti Volej.

Që do të thotë se ka falur 7 pikë për set dhe për këtë arsye Gurabardhi dje nuk ka qenë i kënaqur me të tijtë.

Barleti Volej – Skënderbeu             3-0

(25-20, 25-13, 25-11)

Barleti Volej: Braho, Tuci, Picaku, Bici, Thaka, Xhelilaj, Fagu (L) / Brati, Hasku, Shabaku, Zeqirllari (L). Trajner: H. Gurabardhi

Skënderbeu: Kole, Grabocka, E. Bego, Beshiri, A. Bego (L), Demiraj, Nasto / Male, Zguri, Potomi. Trajnere: T. Marashi

Gjyqtarë: R. Kuka (Vlorë), M. Kondakçiu (Lushnjë)

Kampionati Kombëtar

i Volejbollit – Femra

Grupi A1

Java e 12-të

(25-30 mars 2016)

Të premten:

Barleti Volej – Skënderbeu                        3-0

Partizani – Tirana                            0-3

Elbasani – Flamurtari                      3-0

Të mërkurën:

Vllaznia – Teuta                               ora 15:00

Renditja

Nr.       Skuadra         N.        F.         H.        Setet               Pikë

1. Barleti Volej   12        12          0        36-1                36
2. Tirana             12        11          1        34-3                33
3. Skënderbeu  12          9          3        27-13              25
4. Partizani        12          5          7        15-25              15
5. Vllaznia         11          4          7        15-21              13
6. Teuta              11          4          7        15-22              13
7. Elbasani        12          2        10          8-30                6
8. Flamurtari      12          0        12          1-36                0