ASNN – Apolonia në volejboll për femra ka realizuar një arritje historike, sepse ka siguruar tashmë ngjitjen në nivelin më të lartë të këtij sporti në Shqipëri, pra në Grupin A1. Nën drejtimin e trajnerit Albert Kozmai, Apolonia ka bërë një progres të shkëlqyer duke realizuar një ëndërr për volejbollin e femrave të skuadrës fierake.
Vetë trajneri Kozmai, në një prononcim për mediat është shprehur se meritë për këtë kanë të gjithë në Fier, duke nisur nga klubi dhe Bashkia, por veçanërisht vajzat e mrekullueshme të skuadrës që bënë një sezon fantastik dhe ia dolën të regjistrojnë një sukses të bujshëm dhe ngjitjen në elitën e volejbollit të femrave në Shqipëri.
Kjo arritje e Apolonisë vjen dy javë para përfundimit të garës në kampionatin e Grupit A2, duke kaluar në Grupin A1, erdhi pas fitores në tavolinë ndaj Vlora Volej me rezultatin 3-0 (kjo skuadër është tërhequr nga gara) dhe diferenca me Elbasanin ndjekës që ndodhet në vend të dytë është e pamundur të përmbyset, për këtë arsye Apolonia e ka siguruar matematikisht ngjitjen në elitë.
Kampionati Kombëtar
i Volejbollit – Femra
Grupi A2
Renditja
Nr. Skuadra F. H. Pikë
- Apolonia 6 0 16
- Elbasani 5 2 15
- Korabi 2 5 9
- Flamurtari 3 3 8
- Vlora Volej 0 6 4
