ASNN – Niveli më i lartë i Kampionatit Kombëtar të Basketbollit për Meshkuj, që njihet si Superliga, ka luajtur dje 3 ndeshjet e javës së saj të 8-të dhe Vllaznia ka bërë detyrën, duke fituar në shtëpi ndaj Kamza Basket, me rezultatin 77-56, dhe duke ruajtur kreun e renditjes, me pikë të plota, 16, pas 8 fitoresh në po aq ndeshje.

Shkodranët ndiqen në renditje nga Tirana, e cila i ka dhënë një leksion 3-shifror Apolonisë, duke fituar me rezultatin 100-56 në takimin e zhvilluar në Durrës dhe duke u ngjitur në kuotën e 15 pikëve. Dy pikë pas bardhebluve kryeqytetas janë rivalët e tyre të kuq, Partizani, që nuk ka patur probleme për të mposhtur në Vlorë Flamurtarin me rezultatin 82-67.

Kampionati Kombëtar

i Basketbollit – Meshkuj

Superliga

Java e 8-të

(29 nëntor 2014)

Apolonia – Tirana                56-100

Flamurtari – Partizani          67-82

Vllaznia – Kamza Basket   77-56

Renditja

Nr.       Skuadra                     N.        F.         H.        Psh-Pp           Pikë

1. Vllaznia             8          8          0          681-496         16
2. Tirana             8          7          1          706-513         15
3. Partizani             8          5          3          530-521         13
4. Kamza Basket 8          3          5          564-507         11
5. Flamurtari             8          1          7          521-652         9
6. Apolonia             8          0          8          428-741         8