ASNN – Trajneri i përfaqësueses së Belgjikës, Mark Vilmots, beson se Adnan Januzaj ka marrë një vendim të drejtë që është larguar nga Mançester Junajtid, për t’u bashkuar me Borusia Dortmundin.
Januzaj është transferuar në formë huazimi një vjeçar te skuadra e Dortmundit, me të cilën është duke kaluar në një formë mjaft të mirë në këtë fillim sezon. “Largimi nga Çellsi për Volfsburgun ka funksionuar për mrekulli për Kevin De Bryjnen”, – ka thënë belgu.
“Jam i bindur se Adnani ka marrë vendimin e duhur që është bashkuar me Dortmundin, Huazimi do t’i ndihmojë që të bëjë hapin e radhës. Ai mund të zhvillohet në të njëjtën mënyrë si De Bryjne”, – tha Vilmotsi për të përditshmen gjermane, “Bild”.
