ASNN – 23-vjeçari shqiptar triumfon me ekipin e tij, Keshkemetin, 3-1 në ndaj finale ndaj Penzugjorit. Volejbollisti i ri shqiptar, Ildi Deliu, ka fituar të shtunën Kupën e Hungarisë, pasi skuadra në të cilën ai militon, Keshkemeti, ka triumfuar në finale në 3 sete ndaj Penzugjorit.
Duke treguar se ecuria e këtij sezoni, ku është ndër skuadrat më të mira edhe në kampionat, nuk është një rastësi, ekipi i 23-vjeçarit kuqezi ka dominuar në finale, pasi i ka fituar dy setet e para, të parin bindshëm, 25-15, e të dytin 25-21.
Ndonëse skuadra kundërshtare ka fituar setin e 3-të, 25-15, ekipi i ish-volejbollistit të Farka Volejit dhe Kombëtares së Shqipërisë, ka fituar setin e 4-t, 25-21 dhe bashkë me të gjithë takimin 3-1 me sete dhe duke bërë të vetën Kupën e Hungarisë në volejboll për meshkuj.
