AlbanianSport.com 02/02/2020 19:15
ASNN – Triumfon 3-2 në finalen maratonë ndaj dominik timit, arkivon për herë të 8-të këtë trofe. Turneu i Hapur i Australisë, “Australian Open 2020” ka ulur siparin të dielën me finalen e meshkujve. Novak Gjokoviç ka triumfuar në një maratonë 4-orëshe ndaj Dominik Timit, duke fituar finalen me shifrat 3-2 dhe bashkë me të edhe trofeun e këtij turneu madhor, që për të është i 8-ti. Kështu, Novak Gjokoviçi e fitoi për herë të 8 trofeun e Turneut të Hapur të Australisë, “Australian Open 2020”, një rekord më vete ky, duke triumfuar në finalen e së dielës dhe duke siguruar edhe rikthimin në krye të renditjes botërore të ATP-së.
Tenisti serb kapërceu disavantazhin e një seti, duke fituar në 5 sete ndaj austriakut Dominik Tiem (6-4, 4-6, 2-6, 6-3 dhe 6-4) gjatë finales që zgjati më tepër se 4 orë dhe duke siguruar kështu trofeun e tij të 17-të në turnetë madhorë, që njihen ndryshe si “Grend Slem”-e. Vetëm Rozher Federeri me 20 dhe Rafael Nadali me 19 kanë fituar më tepër trofe të tilla në historinë e këtij sporti. Duke folur pas finales, Gjokoviçi e përgëzoi kundërshtarin e tij për finalen, por edhe turneun e jashtëzakonshëm që bërë dhe shprehu besimin se trofetë madhorë nuk do të vonojnë për të riun austriak.
Tenisti serb e zgjati në 13 fitore pa humbje vazhdën e tij të përsosur në muajin e parë të këtij viti, ku përfshihet edhe ndihma që ai i dha përfaqësueses serbe të triumfojë në turneun e ri, Kupën ATP. Në fakt, Timi e pati mundur Gjokoviçin në 4 prej 5 ndeshjeve të deritanishme , e humbni setin e parë, 4-6, por vijoi të barazonte gjithçka duke fituar të dytin 6-4 dhe duke kaluar në epërsi falë fitimit të setit të 3-të, 6-2. Por serbi u kundërpërgjigj duke fituar setin e 4-t, 6-3, dhe atë të 5-të, 6-4, dhe gjithë ndeshjen me shifrat 3-2.