ASNN – Në takimin e fundit të javës së 24-t të Kategorisë Superiore, Vllaznia ka arritur të fitojë ndaj Egnatias në Shkodër me rezultatin e ngushtë 2-1. Pjesa e parë është mbyllur me shifrat e barabarta 1-1, ku i pari që shënoi ishte Bekim Balaj, që në minutën e dytë për shkodranët. Barazimi erdhi në minutën e 27-të, kur Ndreca shënoi për rrogozhinasit.
Në pjesën e dytë, ishte Gruda i cili shënoi në minutën e 54-t golin e fitores për shkodranët, duke i dhënë kështu shkas një festë të madhe në “Loro Boriçi”. Me këtë rezultat, Vllaznia dhe Partizani ndajnë vendin e dytë me 40 pikë, ndërsa Egnatia mbetet ende në krye me 48. Kështu, Vllaznia thyen tersin me Egnatian, mund kryesuesit dhe i kërcënon nga vendi i 3-të.
Vllaznia ka festuar në mënyrën më të mirë të mundshme 105-vjetorin e saj, duke mundur me shifrat 2-1 Egnatian në “Loro Boriçi” dhe të ngjitet përsëri në vendin e dytë në renditje. Shkodranët kanë prishur kështu tersin ndaj rrogozhinasve, të cilët nuk i mundnin që në majin e vitit 2022, duke u pozicionuar përsëri në vendin e dytë në renditje, 8 pikë pas tyre.
Takimi ka nisur me një lojë mjaft të mirë ofensive që i solli golin që në minutat e parë të sfidës kur Balaj tundi rrjetën. Rrogozhinasit u munduan të reagonin dhe barazuan me një supergol të Ndrecës. Por një gjuajtje e fortë e Grudës, i ktheu përsëri shkodranët në avantazh dhe më pas ata u mbrojtën me rregull deri në fund të sfidës, për të marrë tre pikë shumë të rëndësishme për klasifikimin dhe moralin.
