ASNN – Një përballje me vlerë të dyfishtë, si përsa u përket pikëve, ashtu edhe përsa i përket moralit. Kështu e ka cilësuar trajneri i Skënderbeut, Ilir Daja, ndeshjen e së dielës me Partizanin. Ky takim, i vlefshëm për javën e 27-të të Kategorisë Superiore, do të sillet për sportdashësit drejtpërdrejt nga Rrjeti i Radio-Televizionit Shqiptar.
Pas atij barazimi në shtëpi me Kukësin, që ka rihapur betejën për kreun e renditjes, Skënderbeu përballet në kryeqytet me Partizanin, në një tjetër sfidë vendimtare. Për trajnerin e Skënderbeut, Ilir Daja, ndeshja e së dielës me të kuqtë është një përballje me vlerë të dyfishtë.
Trajneri kryeqytetas i korçarëve e shikon sfidën si mjaft të rëndësishme, por jo dhe aq vendimtare për fatet e sezonit. Takimi Partizani-Skënderbeu, i vlefshëm për javën e 27-të të Kategorisë Superiore, do të sillet për sportdashësit drejtpërdrejt nga Rrjeti i Radio-Televizionit Shqiptar.
