ASNN – Briken Calja dhe Erkand Qerimaj spikatin në turneun e Katarit, në rrugë të mbarë drejt “Tokio 2020”. 2019-ta ka qenë një vit i mirë për shtangën kuqezi dhe qershia mbi tortë ishte paraqitja e kuqezinjve në turneun kualifikues për Lojërat Olimpike “Tokio 2020”, që u zhvillua në kryeqytetin e Katarit, Doha. Peshëngritja shqiptare ka mbajtur Asamblenë e saj të Zakonshme Vjetore, duke e hedhur vështrimin drejt një tjetër viti të suksesshëm në arenën kombëtare apo ndërkombëtare.
Në fakt, qershia mbi tortë ishte paraqitja e kuqezinjve në turneun kualifikues për Lojërat Olimpike “Tokio 2020”, që u zhvillua në kryeqytetin e Katarit, Doha. Briken Calja ka dëshmuar formën e tij të mirë sportive dhe peshëngritësi shtërmenas, edhe pse i dëmtuar, ka realizuar tre prova të mira. Përtej një dëmtimi në shpatull, në kategorinë e peshës trupore deri 73 kilogram, Calja, ka arritur të marrë 3 medalje të bronzta.
Janë kështu 13 medalje ndërkombëtare për të këtë vit për 29-vjeçarin, ku më kulmoret janë medalja e bronztë në Botërorin e Tajlandës, si dhe 3 medaljet në Evropianin e Batumit, një e artë në shkëputje dhe dy të argjendta në shtytje dhe në dygarësh. Po kështu, ai është thuajse i sigurt si i pari i peshëngritjes shqiptare i kualifikuar për në Lojërat Olimpike “Tokio 2020”.
Sa i përket të kualifikuarit të dytë me normë për në “Tokio 2020”, ai do të jetë, sipas të gjitha gjasave, Erkand Qerimaj, i cili ka marrë një medalje të argjendtë në dygarësh dhe dy medalje bronzi në stilin e shkëputjes dhe të shtytjes në kategorinë e peshës trupore deri në 81 kilogramë. Shkodrani e çoi kështu në 6 numrin e medaljeve për Shqipërinë në turneu kualifikues për në Lojërat Olimpike “Tokio 2020”, i cili u zhvillua në Doha të Katarit.
Hëpërhë, 31-vjeçari ka 897.3349 pikë olimpike, duke qenë brenda zonës së kualifikimit për në Olimpiadën e vitit të ardhshëm, ndërsa ka fituar këtë vit edhe 11 medalje gjithsej, ndër të cilat spikat medalja e bronztë botërore dhe evropiane, kurore e 3-fishtë e Mesdheut, si dhe 7 rekorde mesdhetare.
