ASNN – Atletiko e Bilbaos i bashkohet në gjysmëfinale Granadës, Mirandes dhe Real Sociedadit. Kupa e Spanjës ka njohur 4 gjysmëfinalistet e saj dhe, pak orë pasi Reali i Madridit i ka dhënë lamtumirën trofeut të dytë të futbollit iberik, një tjetër gjigande ka rënë viktimë e të papriturave.

Megjithëse ka dominuar në fushën e Bilbaos përballë Atletikos vendase, skuadra katalane është ndëshkuar me një gol në fund, duke i dhënë kështu lamtumirën shpresave për një tjetër trofe këtë sezon. Pjesa e parë e ndeshjes është mbyllur me rrjeta të paprekura.

Dhe kështu do të mbeten ato deri në fund, kur përkundër rrjedhës së lojës dhe si rrjedhojë e një aksidenti, janë vendasit që shënojnë. Barcelona nuk arrin ta gjejë golin në pak minuta që ka patur në dispozicion dhe Atletiko e Bilbaos i bashkohet kështu në 4-shen e fundit trios së papritur të përbërë nga Granada, Mirandes dhe Real  Sociedadi.