ASNN – Kategoria Superiore e Kampionatit Kombëtar të Futbollit luan sot dhe nesër ndeshjet e javës së saj të 15-të dhe Partizani pret në “Elbasan Arena” Laçin, ndërsa Tirana në kryeqytet, Korabin. Për trajnerin e të kuqve, Sulejman Starova, Laçi është një kundërshtar që nuk mund të nënvlerësohet. Ndërsa, për mesfushorin e bardhebluve, Afrim Taku, Tirana duhet të jetë më efikase në lojën e saj, sidomos të shtunën ndaj dibranëve.

Dy rivalet kryeqytetase, Partizani dhe Tirana, vazhdojnë duelin e tyre në distancën dhe të shtunën, në kuadër të javës së 15-të, të kuqtë presin në “Elbasan Arena” Laçin, ndërsa bardheblutë, Korabin. Për trajnerin Sulejman Starova, Laçi është një kundërshtar që nuk mund të nënvlerësohet. Trajnerit të të kuqve duket se nuk i ka kaluar ende indinjata pas ndeshjes me Kukësin, ku Partizanit iu mohua një gol dhe pretendohet se vendimet e gjytarit ndryshuan rrjedhën e lojës.

Për trajnerin e Partizanit, mungesa e tifozërisë për shkak të ndeshjeve të luajtura jashtë Tirane, ka ndikuar në rezultate. Ndaj Laçit thotë se do të jetë e vështirë pasi e tillë ka qenë edhe për Skënderbeun dhe Tiranën. Ndërkohë, për mesfushorin e Tiranës, Afrim Taku, bardheblutë duhet të jenë më efikasë në lojën e tyre, sidomos të shtunën ndaj dibranëve. Si takimi Tirana-Korabi, ashtu edhe ai Partizani-Laçi, luhen të shtunën duke nisur nga ora 17:00, përkatësisht në kryeqytet dhe në Elbasan.

Kategoria Superiore

Java e 15-të

Të premten:

Teuta – Skënderbeu           (18:00)

Stadiumi “Niko Dovana”, Durrës

Të shtunën:

Vllaznia – Luftëtari              (14:00)

Stadiumi “Loro Boriçi”, Shkodër

Kukësi – Flamurtari             (14:00)

Stadiumi “Zeqir Ymeri”, Kukës

Tirana – Korabi                     (17:00)

Stadiumi “Selman Stërmasi”, Tiranë

Partizani – Laçi                    (17:00)

Stadiumi “Elbasan Arena”, Elbasan