ASNN – Skuka shënon në “frymën e fundit”, Partizani i shpëton humbjes në shtëpi ndaj Egnatias, teksa dy ekipet e vendeve të para janë ndarë në barazim 1-1 të shtunën në Stadiumin “Arena e Demave” në kryeqytet. Ka qenë një gol i Xhuliano Skukës në minutën e 90-të, ka shmangur humbjen e Partizanit përballë Egnatias kryesuese në kryeqytet, duke mbajtur gjallë shpresat e të kuqve se mund të rikuperojnë diferencën e thellë mes dy skuadrave në renditje.
Partizani e ka gjetur i pari golin, por ai do të anulohet nga Sistemi i Ndihmësgjyqtarit të Videos (VAR) në minutën e 32-të, për një pozicion jashtë loje. Dhe të parët që kaluan në epërsi ishin rrogozhinasit me një gol të bukur, teksa Spahiu ekzekutoi një goditje të fortë nga larg dhe mposhti Qirkon, edhe falë një devijimi, në minutën e 59-të. Pas shumë përpjekjesh për të të barazuar, Partizani ia del në fundin e lojës, pasi në minutën e 90të, ishte Skuka i cili shpëton Partizanin nga humbja.
Ndeshja në fakt ka qenë shumë e ekuilibruar, me të dy skuadrat që kanë lejuar pak hapësira për të rrezikuar. U desh një gjuajtje e Spahiut nga distanca që t’u jepte epërsinë miqve, të cilët kërkuan me ngulm golin edhe në vijim, duke vënë disa herë në vështirësi Qirkon. Por në fund, devijimi para portës i Skukës solli barazimin 1-1, që lë në 10 pikë hendekun mes vendit të parë dhe të dytë në renditjen e Superiores. Me këtë rezultat, Egnatia ndodhet në vendin e parë me 47 pikë, ndërsa Partizani në vendin e dytë me 37 pikë.
