ASNN – Partizani, “regjisori” Cara siglon 3-pikëshin. Futbollisti i të kuqve shënon dy gola dhe ndërton të 3-tin në fitoren ndaj Kukësit. Partizani ka siguruar një fitore të rëndësishme 3-0 përballë Kukësit të premten, duke i dhënë fund krizës që kishte mbërthyer të kuqtë, për t’u kthyer te sukseset në kampionat. Shifrat 3-0 kanë dekretuar 3 pikë të rëndësishme për Partizanin, të cilët kapin përsëri për momentin Vllazninë teksa zhytin edhe më shumë verilindorët në fundin e tabelës së renditjes.
Partizani ka arritur të triumfojë të premten në mbrëmje ndaj Kukësit me rezultatin 3-0, në takimin e 3-të të ditës, të vlefshëm për javën e 26-të të Kategorisë Superiore. Kryeqytetasit kanë siguruar një fitore të rëndësishme 3-0 përballë verilindorëve, duke i dhënë fund krizës që kishte mbërthyer të kuqtë, për t’u kthyer te sukseset në kampionat. Shifrat 3-0 kanë dekretuar 3 pikë të rëndësishme për Partizanin, të cilët kapin përsëri për momentin Vllazninë teksa zhytin edhe më shumë verilindorët në fundin e tabelës së renditjes. Intervali i parë kohor u mbyll në barazimin 0-0, ndërsa në pjesën e dytë erdhën golat e sfidës. Të kuqtë u shfaqën të pasaktë para portës në rastet që krijuan në pjesën e parë por gjetën shpejt avantazhin në të dytën falë një 11-metërshi të shndërruar saktësisht në gol nga Cara, i cili, në minutën e 55-të ka ndëshkuar verilindorët. Talenti i Partizanit ekzekutoi saktë një goditje nga pika e bardhë. Por vetëm pak minuta më vonë, në të 61-tën, ishte një kundërsulm i shpejtë në krahun e djathtë për Partizanin, ku topi ka përfunduar në këmbët e Carës dhe shënoi përsëri në portën e Kukësit. Por të kuqtë e kryeqyteti nuk u ndalën me kaq. Në minutën e 73-të, ka qenë Mehmeti i cili ka trefishuar shifrat, falë pasimit të dhënë nga Cara. Me këtë fitore, Partizani renditet në vendin e dytë me 43 pikë dhe i bashkohet Vllaznisë në vendin e dytë në renditje, me të njëjtën kuotë pikësh edhe pse ka një ndeshje më shumë të luajtur se shkodranët. Ndërsa Kukësi në vendin e fundit me 19 pikë dhe sheh të minimizohen edhe më shumë shanset për mbijetesën në elitë.