ASNN – Ekipet “zinxhir” të Akademisë së Futbollit “Partizani”, vazhdojnë të stërviten në fushat e ish-Kompleksit “Dinamo” në kryeqytet.

Trajneri i futbollistëve deri në 18 vjeç, Ylli Shehu tregon për Televizionin shqiptar se ka mjaft futbollistë të talentuar, të cilët shumë shpejt do të bëhen pjesë e ekipit të parë të Partizanit.

Siç dihet Akademia e Futbollit “Partizani” është në ndërtim e sipër, përsa u përket mjediseve të saj.

Por ekipet “zinxhir” vazhdojnë të stërviten rregullisht në fushat e Ish-Kompleksit “Dinamo”.

Ylli Shehu, ish-futbollist i shquar i Partizanit, tashmë në rolin e trajnerit, stërvit futbollistë të moshës deri në 18 vjeç.

Shumë lojtarë të talentuar, të dalë nga ekipet “zinxhir” do të jenë pjesë e ekipit të parë të Partizanit për sezonet e ardhshme.