ASNN – Mesfushori i kurbinasve analizon në studion e “Rubrikës Sportive” sezonin e skuadrës së tij. I ftuar të dielën në “Rubrikën Sportive” në Rrjetin e Radio-Televizionit Shqiptar, ka qenë futbollisti i Laçit, Regi Lushkja, i cili ka theksuar se skuadra ka rigjetur besimin dhe ka bërë kthesën në rezultate.
Mesfushori i kurbinasve shpreson që një ditë të veshë edhe fanellën e Kombëtares kuqezi. Laçi ka përjetuar një ringjallje nën drejtimin e trajnerit Armando Cungu dhe për futbollistin Regi Lushkja, të ftuar të dielën në “Rubrikën Sportive” në Rrjetin e Radio-Televizionit Shqiptar, skuadra ka rigjetur besimin.
Mesfushori beson se tanimë skuadra e ka hedhur vështrimin përpara. Tanimë, Laçi po mendon për sfidën e radhës në kampionat, ndërsa edhe synimet rriten. Lushkja shpreson që një ditë të veshë edhe fanellën e Kombëtares kuqezi. Laçi ndan hëpërhë vendin e 3-të dhe të 4-t të renditjes me Tiranën, me nga 19 pikë, një më pak sesa Bylisi i vendit të dytë dhe 3 më pak se Partizani kryesues.
