ASNN – Çelsi ka mposhtur Fulhemin me rezultatin 1-0, në ndeshjen e vlefshme për javën e 21-të në Premier Ligën Angleze, të luajtur të shtunën pasdite. Goli i vetëm i sfidës u shënua në minutën e 4-t shtesë të pjesës së parë nga Palmer. Ai u tregua i saktë nga pika e bardhe e 11-metërshit, kurse, sa i përket Armando Brojës, ai e nisi sfidën si titullar dhe qëndroi në fushë deri në minutën e 66-të. Në minutën e 21-të të sfidë sulmuesi i Kombëtares kuqezi pati një mundësi të mirë për gol por nuk arriti të shënjestrojë si duhet.
Në fakt, ishte titullar, por nuk arriti dot të gjente rrugën e rrjetës. Sulmuesi i Kombëtares kuqezi, Armando Broja e nisi që nga minuta e parë sfidën e kësaj të shtune, ndaj Fulhemit, sfidë e cila u fitua nga skuadra e Çelsit, me rezultatin minimal, mirëpo goli i vetëm i sfidës nuk erdhi nga 22-vjeçari nga Malësia e Madhe. Goli i vetëm i sfidës, për “Blutë e Londrës” erdhi në fundin e pjesës së parë, ku në minutën e 4-t shtesë gjyqtari dha një 11-metërsh për vendasit, në “Stemford Bridxh”. Ajo ekzekutohet saktësisht nga Koul Palmer.
Futbollisti 21-vjeçari i ardhur këtë sezon nga Mançester Sitit tek blutë e Londrës e çon në 9 numrin e golave të shënuar në këtë sezon të Premier Ligës. Me këtë fitore, skuadra e drejtuar nga trajneri Mauricio Poçetino ngjitet në vendin e 8-të, teksa ka arritur të grumbullojë plot 31 pikë, po aq sa “Pulëbardhat” e Brajtonit dhe “Djajtë e kuq” të Mançester Junajtid, ndërsa skuadra e Fulhemit mbetet në vendin e 13-të të tabelës së renditjes, me 24 pikë, vetëm një pak se Bornemuthi i një vendi më lart. Duhet theksuar se Broja u rikthye titullar, pasi ishte zëvendësues në Kupën e Ligës Angleze në mesjavë.
