ASNN – Ata janë të kufizuar në atë drejtkëndorin e vizatuar në bar me vija të ndërprera apo në pistë, buzë vijës anësore. Por kjo nuk i kufizon aspak  që të shpalosin talentin e tyre. Bëhet fjalë për trajnerët e futbollit, që dhurojnë spektakël me xhonglimet e tyre.

Çfarë ndodh kur një nga talentet më të spikatur të një skuadre futbolli nuk është midis atyre 11 lojtarëve që ke në fushën e blertë dhe as midis atyre që ke në stolin e rezervave? Me pak fjalë, çfarë ndodh kur trajneri është një nga xhonglerët më të mirë të topit që ke në skuadër?

Ata janë të kufizuar në atë drejtkëndorin e vizatuar në bar me vija të ndërprera apo në pistë, buzë vijës anësore. Por kjo nuk i kufizon aspak  që të shpalosin talentin e tyre. Të veshur me kostum dhe kravatë, apo me tuta sporti, kjo nuk ka rëndësi, sepse, në sport, për më tepër, në futboll, ngandonjëherë është çështje refleksesh apo instinktesh.

Disa prej tyre kanë qenë lojtarë të njohur, të tjerët jo dhe aq, por ajo që është e njëjtë tek të gjithë, është dashuria dhe pasioni për këtë lojë të bukur, që del në pah në çaste si këto…