ASNN – Dy sfidat e para të gjysmëfinaleve, drejtpërdrejt të martën dhe të mërkurën në RTSH Sport. Mançester Siti – Mançester Junajtid dhe Leister Siti – Aston Vila janë dy duelet gjysmëfinale të Kupës së Ligës Angleze, ndeshjet e para të të cilave do të luhen në mesjavë, ndërsa ato të kthimit në fund të muajit. Sikundër çdo veprimtari madhore sportive, edhe këto ndeshje do të sillen për sportdashësit drejtpërdrejt në Rrjetin e Radio-Televizionit Shqiptar.
Kupa e Ligës Angleze, një tjetër veprimtari madhore sportive që po sillet për sportdashësit drejtpërdrejt në Rrjetin e Radio-Televizionit Shqiptar, rikthehet këtë fillim në ekranin e transmetuesit publik me dy sfidat e para të gjysmëfinaleve, që luhen në mesjavë, ndërsa ndërsa ato të kthimit në fund të muajit. Natyrisht, midis këtyre dy dueleve spikat derbi i Mançesterit, midis Sitit dhe Junajtid, takimi i parë i të cilit luhet të martën dhe do të sillet për sportdashësit drejtpërdrejt në Rrjetin e Radio-Televizionit Shqiptar, në kanalin RTSH Sport, duke nisur nga ora 21:00.
Ky derbi i gjen dy rivalet bashkëqytetase në pozita të ndryshme, teksa në kampionat, Mançester Siti i trajnerit Pep Guardiolës mban vendin e 3-të, me 44 pikë, plot 14 pikë prapa Livepulit kryesuese, ndërsa dy shkallë më poshtë, por 13 pikë më pak se rivalja e kaltër, ndodhet Mançester Junajtid i trajnerit Ole Gunar Solskjaer. Mançester Siti erdhi në këtë gjysmëfinale pasi mundi 3-1 Kolçester Sitin, ndërsa Junajtid mundi 3-0 Oksfordin.
Ndërkaq, në duelin tjetër, Leister Siti ndeshet me Aston Vilën dhe takimi i parë i të cilit luhet të mërkurën dhe do të sillet për sportdashësit drejtpërdrejt në Rrjetin e Radio-Televizionit Shqiptar, në kanalin RTSH Sport, duke nisur nga ora 21:00. Leister Siti, që mban vendin e dytë në kampionat, u kualifikua për në gjysmëfinale pasi fitoi duelin e 11-metërshave me Evertonin, pasi koha e rregullt u mbyll në barazim 2-2, ndërsa Aston Vila përfitoi nga pjesëmarrja e Liverpulit në Botërorin e Klubeve, duke e mposhtur skuadrën e dytë të të kuqve me shifrat 5-0.
Klikoni videon e mëposhtme për kronikën e plotë:
