ASNN – Skënderbeu dhe Kukësi do të diskutojnë të mërkurën trofeun e radhës. Në Stadiumin “Selman Stërmasi”, duke nisur nga ora 20:00, të dyja skuadrat luftojnë për të fituar Superkupën e Shqipërisë. Ndeshja do të transmetohet drejtpërdrejt nga Rrjeti i Radio-Televizionit Shqiptar.
Kukësi do të luajë me Skënderbeun për Superkupën e Shqipërisë, ndeshje kjo që do të zhvillohet në “Selman Stërmasi” të mërkurën, duke nisur nga ora 20.00. Përpara kësaj sfide, trajneri i ri i skuadrës veriore, Ernest Gjoka ka pranuar faktin se ndaj Skënderbeut do të jetë një ndeshje e vështirë.
Rrahman Allaçi do të mbajë shiritin e kapitenit te Kukësi, për këtë ai shprehet krenar. Ndërsa zëvendëskapiteni i Kukësit, Ylli Shameti e shikon skuadrën e tij si fituese të Superkupës. Ndeshja Skënderbeu-Kukësi, e vlefshme për Superkupën e Shqipërisë, do të transmetohet drejtpërdrejt nga Rrjeti i Radio-Televizionit Shqiptar.
