ASNN – Trajneri zyrtarizon shkëputjen nga klubi i përjashtuar së fundmi nga Kategoria Superiore. Kamza është përjashtuar për pjesën e mbetur nga kampionati dhe realiteti dalëngadalë po përthithet në çdo qelizë të klubit të periferisë së kryeqytetit.
Dhe të premten pasdreke, në mjediset e stadiumit është zhvilluar një takim midis lojtarëve, trajnerëve dhe drejtuesve të klubit. Duke folur për RTSH Sport, trajneri Gentian Stojku ka bërë të ditur largimin e tij nga stoli i Kamzës.
Për Stojkun është ende herët për të folur për një detyrë të re. Përveç përjashtimit nga Kategoria Superiore, Kamza do të luajë sezonin e ardhshëm dy nivele më poshtë, në Kategorinë e Dytë të Kampionatit Kombëtar të Futbollit.
