ASNN Presidenti Duka jep hollësitë: 30,000 lekë shpërblim për punëtorët e futbollit për marsin dhe prillin. Presidenti i FSHF-së, Armand Duka, ka prezantuar të enjten një paketë financiare që vjen në një kohë shumë të vështirë për futbollin në vend, si pasojë epidemisë së koronavirusit. Kjo paketë financiare parashikon, dhënien e një shpërblimi, rroge, apo ndihme financiare siç mund të quhet, për një periudhë një mujore nga 15 marsi deri në 15 prill, në mënyrë të barabartë me një pagesë prej 30 mijë lekësh të rinj. Nëse futbolli nuk do të mund të rikthehet pas 15 prillit, e njëjta paketë do të përsëritet sërish.
Federata e Futbollit do të mbështesë financiarisht punëtorët e futbollit: futbollistët, trajnerët, gjyqtarët dhe këdo që është i punësuar në futboll. Kjo paketë financiare u prezantua të enjten nga Presidenti Armand Duka dhe vjen në një kohë shumë të vështirë për futbollin në vend, si pasojë epidemisë së koronavirusit. “Një pjesë e komunitetit tonë të futbollit, futbollin nuk e ka vetëm një pasion, por e ka profesion, me të cilin jeton dhe mban familjen”, – ka thënë Duka ndër të tjera. – Por virusi e ka detyruar të mbyllet dhe mos ta ushtrojë.”
“Kështu që Federata është munduar të bëjë ndërmjetësin mes punëtorit sportiv dhe qeverisë shqiptare për të arritur të kompensojë në këto ditë të vështira punonjësit sportivë, futbollistë, zyrtarë, etj”, – ka shtuar ai. Kjo paketë, sipas kreut të organizmit që qeveris futbollin në vend, vjen pas refuzimit të kërkesës së FSHF-së për mbështetje nga ana e qeverisë. “Kemi qenë të pasuksesshëm për të bindur qeverinë deri më sot, – pohoi Duke . Në këto kushte, Komiteti Ekzekutiv i Federatës ka vendosur të miratojë një paketë financiare.”
“Një paketë që u vjen në ndihmë të futbollistëve, trajnerëve, gjyqtarëve dhe gjithkujt që është i punësuar në futboll”, – ka theksuar presidenti i FSHF-së. Kjo paketë financiare parashikon, dhënien e një shpërblimi, rroge, apo ndihme financiare siç mund të quhet, për një periudhë një mujore nga 15 marsi deri në 15 prill, në mënyrë të barabartë me një pagesë prej 30 mijë lekësh të rinj. Nëse futbolli nuk do të mund të rikthehet pas 15 prillit, e njëjta paketë do të përsëritet sërish.
Sipas informacionit të bërë publik nga FSHF-ja, hollësitë dhe e gjithë pagesa do të bëhet direkt për futbollistët, zyrtarët apo trajnerët e futbollit që nuk kanë mundësi të kenë një pagë tjetër, pra që futbollin e kanë profesion, dhe nuk marrin një pagë nga një burim tjetër shtetëror. Federata do t’i shpërndajë direkt pagesat tek individët, në numrat e llogarive bankare, besoj se në mënyrë të shpejtë administrata (e Federatës) duke filluar nga dita e premte do ta realizojë shpërndarjen e tyre.
Sipas FSHF-së, burimi financiar i kësaj pakete, është kontributi i vetë administratës së Federatës, kontributi i stafit të ekipit kombëtar, duke filluar nga trajneri i ekipit kombëtar Edi Reja dhe stafi i tij. Të gjithë pagat e larta në federatë kanë shprehur solidaritetin për t’i përgjysmuar që të plotësojmë këtë buxhet dhe do të merret një kredi financiare, sepse siç dihet kjo është diçka e paparashikuar në buxhet. “Pra edhe një kredi financiare të cilën ne mendojmë ta mbulojmë në buxhetin e vitit të ardhshëm” ka përfunduar Presidenti Duka.
