ASNN – Amerika është një vend ku basketbolli, futbolli amerikan dhe bejsbolli ende ruajnë dominimin.

Por një gol i jashtëzakonshëm, i shënuar nga futbollisti i Okllahoma Sitit, Gonzales, jep shpresë se edhe futbolli klasik mund të shijojë gjithnjë e më shumë popullaritet atje.

Çfarë ndodh kur ndërthuren dy salto akrobatike në një ndeshje futbolli…?

Natyrisht që, edhe me pak fat, rezultati është një gol i jashtëzakonshëm. Ky gol është shënuar në Shtetet e Bashkuara të Amerikës, në një nga nivelet më të ulëta të të kampionatit vendas të futbollit, në “United Soccer Ligue”.

Autori i golit është Gonzales, i cili përfiton nga një rivënie e pazakontë, por e rregullt, anësore dhe, me një ekzekutim akrobatik, e përcjell topin në rrjetë, duke e kaluar skuadrën e tij, Okllahoma Siti Enerxhinë, në epërsi.

Natyrisht, shpresohet që të tillë gola ta bëjnë edhe më popullor futbollin në  një vend si Amerika, ku basketbolli, futbolli amerikan dhe bejsbolli ende ruajnë dominimin.