ASNN – Dinamo, tanimë në 4-shen e parë. Fiton 1-0 në Korçë ndaj Skënderbeut në ndeshjen e prapambetur të javës së 20-të. Kështu, Dinamo ka arritur të fitojë në Korçë ndaj Skënderbeut me rezultatin minimal 1-0 në takimin që ishte i vlefshëm për javën e 20-të të Kategorisë Superiore që ishte shtyrë për shkak të kushteve të papërshtatshme atmosferike. Një fitore me peshë kjo e Dinamos, që mund Skënderbeun sidoqoftë mes polemikash dhe hyn në “4-shen Finale”.
Është luajtur të mërkurën në mbrëmje në Korçë edhe takimi i prapambetur dhe Dinamo ka mposhtur minimalisht Skënderbeun dhe tanimë futet në 4-shen e parë të renditjes së Kategorisë Superiore. Dinamo ka arritur të fitojë në Korçë ndaj Skënderbeut me rezultatin minimal 1-0 në takimin që ishte i vlefshëm për javën e 20-të të nivelit më të lartë të Kampionatit Kombëtar të Futbollit, që ishte shtyrë për shkak të kushteve të papërshtatshme atmosferike.
Dhe ndeshja e së mërkurës ka qenë thuajse e barabartë dhe me raste të shumta, por është mbyllur me triumfin e të kaltërve të trajnerit Dritan Mehmeti. Ka mjaftuar vetëm goli i Vilës me 11-metërsh në minutën e 52 dhe, me këtë rezultat, Dinamo tashmë renditet në vendin e 4-t me 35 pikë, një më tepër sesa Tirana, tashmë në vend të 5-të, ndërsa Skënderbeu mbetet në vendin e 6-të me 31 pikë. Një fitore me peshë kjo e Dinamos, që mund Skënderbeun sidoqoftë mes polemikash dhe hyn në “4-shen finale”.
Sfida e së mërkurës në Stadiumin “Skënderbeu” të Korçës ka qenë e luftuar dhe është zgjidhur nga një episod i cili ka sjellë protesta të vendasve, pasi ishte një 11-metërsh që e çoi në golin e vetëm të takimit, të shënuar nga Vila. Por edhe kaq u mjaftoi të kaltërve, të cilët kanë bërë një kthesë të rëndësishme në javët e fundit, duke ngjitur shkallët e renditjes një nga një, teksa tani e shohin veten në pozita shumë komode në renditje, midis 4 mes ekipeve më të mira.
