ASNN – Ekipi shqiptaro-italian, “Amore & Vita” po merr pjesë në një nga garat më të famshme të kontinentit afrikan, në Turin e Eritreas. Midis çiklistëve shqiptarë që po garojnë në këtë garë afrikane, ka spikatur Redi Halilaj, i cili, në etapën e parë, është ngjitur në podium, duke marrë vendin e 3-të. Çiklisti kuqezi, që jeton, banon dhe stërvitet në Itali, ka shpërthyer në etapën e 4-t, të zhvilluar të premten, duke marrë vendin e parë të podiumit.
Çiklizmi shqiptar ka korrur një tjetër sukses në arenën ndërkombëtare, në atë që është një ogur mjaft i mirë për Rrethin e 74-t të Shqipërisë, që do të mbahet në dhjetëditëshin e fundit të majit. Ekipi shqiptaro-italian, “Amore & Vita” po merr pjesë në një nga garat më të famshme të kontinentit afrikan, në Turin e Eritreas. Midis çiklistëve shqiptarë që po garojnë në këtë garë afrikane, ka spikatur Redi Halilaj, i cili, në etapën e parë, është ngjitur në podium, duke marrë vendin e 3-të.
Por, çiklisti kuqezi, që jeton, banon dhe stërvitet në Itali, ka shpërthyer në etapën e 4-t, të zhvilluar të premten, duke marrë vendin e parë të podiumit. Ai është shoqëruar në podium nga dy çiklistët vendas, Tishomë dhe Solomon. Kjo ishte fitorja e parë e shqiptarit si çiklist profesionist dhe sinjalizon konsolidimin e një brezi premtues të dyrrotakëve shqiptarë, ku përveç Halilajt, spikatin edhe Eugert Zhupa, Iltjan Nika, Ylber Sefa, Besmir Banushi, por edhe të tjerë si Olsian Velia, Kristel Sota dhe Bruno Kola.
Siç dihet, Rrethi i 74-t Çiklistik i Shqipërisë është bërë pjesë e kalendarit ndërkombëtar të këtij sporti dhe veprimtaria 5-ditore që do të zhvillohet nga data 20, deri më 24 maj 2017, shënon një gur të rëndësishëm kilometrik të këtij sporti në vendin tonë.
