ASNN – Ernest Tushe i ka paguar shtrenjtë ndjenjat e tij. 40 vite më parë, ai u dashuruar me shikim të parë me vajzën e Ambasadorit italian në Tiranë.
Ata u njohën kur Ernesti ishte 17 vjeç dhe Karla Sferlaco 14. Ai, basketbollist i ekipit të Studentit… Ajo, vajza e diplomatit që luante tenis.
Pas dy vitesh, lidhja përfundoi në Spaç. Fillimisht, Ernesti për agjenturë. Më pas, u dënua me 4 vite burg për agjitacion e propagandë. Në xhep i kishin gjetur një kalendar erotik. Por arsyeja e vërtetë ishte Karla.
A është penduar ndonjëherë? Edhe pasi doli nga burgu, ai dërgonte pareshtur letra drejt Italisë. “Shtëpia me gjethe” i kontrollonte dhe asgjësonte. Por… një ditë, letra e tij mbërriti tek Karla.
10 vite pas arrestimit, ai udhëtoi drejt Italisë. Dashuria ishte kthyer në një miqësi të fortë që vazhdon ende sot. Katër histori të ndryshme dashurie gjatë komunizmit janë bërë subjekt i filmit italo-shqiptar.
Midis kastit të aktorëve, është edhe i mirënjohuri Remo Xhirone. Por historia e Ernestit dhe Karlës zë hapësirën më të madhe të filmit “Portreti i pambaruar i Karla Belinit”. Ernesti përlotet kur sheh Karlën e filmit.
