ASNN – Kreu i kuqebluve të koshit dhe trajneri i Tiranës, Karaj, flasin pas përballjes së të shtunës. Sipas presidentit të shkodranëve të koshit, Alban Xhaferi, fitorja e së shtunës me Tiranën ishte e rëndësishme për synimet e skuadrës këtë sezon, por, tani fillon pjesa e vështirë e sezonit. Ndërkaq, trajneri i Tiranës, Erkand Karaj pohoi se Vllaznia e meritoi fitoren.
Vllaznia ka korrur të shtunën në mbrëmje një fitore me shifrat 96-68 me Tiranën, në takimin e vlefshëm për javën e 13-të të Superligës së Basketbollit për Meshkuj. Sipas presidentit të shkodranëve të koshit, Alban Xhaferi, kjo ishte një fitore e rëndësishme për synimet e skuadrës këtë sezon. Për trajnerin e Tiranës, Erkand Karaj, skuadra shkodrane e meritoi fitoren.
Megjithatë, për Xhaferin, tani fillon pjesa e vështirë e sezonit. Edhe Karaj i sheh shkodranët në trion e betejës për titull. Sa i përket skuadrës së tij, trajneri bardheblu është i ndërgjegjshëm për synimet. Kurse kreu i Vllaznisë së basketbollit ka edhe një falënderim për tifozët shkodranë.
