ASNN – Pjesëmarrësja e Shqipërisë në Ligën Ballkanike të Basketbollit për Meshkuj, Tirana, ka luajtur dje ndeshjen e saj të dytë në kuadër të fazës së ndeshjeve në grupe. Bardheblutë janë mundur me rezultatin e thellë 57-94, por më tepër sesa me shifrat, ata kanë zhgënjyer me lojën e dobët që dhuruan në parket.

Ndonëse ka premtuar mjaft me atë fitore 78-66 që arriti në takimin e parë në fushën e vet ndaj Trepçës së Mitrovicës, Tirana ka vijuar të zhgënjejë në ndeshjen e dytë të fazës së grupeve të Ligës Ballkanike të Basketbollit për Meshkuj, duke u mundur në Maqedoni përballë Feni Industries, me rezultatin e thellë 57-98.

Maqedonasit e kishin humbur ndeshjen e parë në grup, përballë Pejsë, por kanë vijuar të bëjnë një pjesë të parë të mirë ndaj bardhebluve, duke e fituar atë me shifrat 24-15. Tirana reagon në pjesën e dytë, të cilën e fiton 20-19, por në pushim janë vendasit që kryesojnë me shifrat 43-25.

Dy pjesët e tjera të ndeshjes janë me të vërtetë për t’u harruar për bardheblutë, pasi skuadra kryeqytetase, e drejtuar nga trajneri maqedonas, Sllobodan Petrovski,  ka arritur të shënojë vetëm 22 pikë në 20 minuta lojë, përballë 55 pikëve të ekipit kundërshtar.

Përfundimisht, Feni Industries fitojnë ndaj Tiranës me 41 pikë epërsi, 98-57, ndërsa takimi i radhës për bardheblutë është ai i 24 tetorit në Mal të Zi, përballë Sutjeskës vendase.

Liga Ballkanike e

Basketbollit – Meshkuj

(BIBL 2016)

Rezultatet teknike:

Grupi A

Java e dytë:

(18-20 tetor 2016)

Të martën:

Kozuv – Beroe Stara Zagora                     80-86

Të mërkurën:

Bashkimi Prizren – Kumanovo 2009       83-86

Të premten:

Teodo – SIGAL Prishtina

Renditja

Nr.       Skuadra                                 N.        F.         H.        Psh-Pp           Pikë

1. BC Beroe Stara Zagora      2          2          0          172-151         4
2. Kumanovo                            2          2          0          164-158         4
3. Kozhuv                                  1          1          1          160-149         3
4. Teodo                                     1          0          1            75-78            1
5. SIGAL Prishtina                   1          0          1            71-86            1
6. Bashkimi                               2          0          2          146-166         2

Grupi B

Java e dytë:

(18-21 tetor 2016)

Të martën:

Trepca e Mitrovicës – Karpos Sokoli 2000          82-80

Të mërkurën:

MKK Feni Industries – Tirana                    98-57

Të premten:

Sutjeska Nikshiq – Peja

Renditja

Nr.       Skuadra                                 N.        F.         H.        Psh-Pp           Pikë

1. MKK Feni Industries           2          1          1          171-139         3
2. Trepça e Mitrovicës              2          1          1          148-158         3
3. Tirana                                     2          1          1          135-164         3
4. Sutjeska Nikshiq                  1          1          0            94-60            2
5. Peja                                        1          1          0            82-73            2
6. Karpos Sokoli                       2          0          2          140-176         2