ASNN – Trajneri i njohur i basketbollit flet ekskluzivisht për RTSH Sport mbi aventurën e tij tek klubi italian. Në fakt, edhe ai vetë është çuditur nga ecuria e skuadrës së tij, që nga çasti kur mori drejtimin e Ferrarës, pasi skuadra e tij ka korrur 4 fitore dhe ka pësuar vetëm një humbje, edhe atë në kohë shtesë përballë ekipit të vendit të dytë.
Në intervistën e mëposhtme, ai rrëfen hollësi të ndryshimeve që ai bëri kur erdhi tek kjo skuadër, ndryshime që çuan në shndërrimin e lojës së saj. Megjithëse skuadra e tij ka bërë një ngjitje të pabesueshme, duke iu afruar tanimë edhe zonës së “play-off”-it, trajneri Leka preferon të qëndrojë me këmbë në tokë.
