ASNN – Goga Basket kryeson renditjen e Superligës së basketbollit të Meshkujve pas 9 javësh dhe fundjavën e shkuar mposhti Partizanin, në një sfidë që për lojtarin e bregdetarëve, Ili Pasha, u kushtëzua nga salla e ftohtë më tepër sesa kundërshtari.
Duke folur për Rrjetin e Radio-Televizionit Shqiptar, Pasha, i cili kryen njëkohësisht edhe detyrën e zëvendës-trajnerit të ekipit të Nën-18-vjeçarëve të Goga Basket, mendon se sezoni do të jetë i hapur deri në fund.
Megjithatë, ai beson se skuadra është kolauduar tashmë. Të shtunën, Goga Basket pret Kamza Basketin në fushën e vet, në Arenën Sportive “Dhimitraq Goga” në Xhafzotaj, në takimin që nis në ora 17:00.
