ASNN – Teuta ndeshet të shtunën me Goga Basketin në derbin e Durrësit dhe për basketbollistin amerikan, Erik Koups, sfida e dytë është edhe më e vështirë sesa ajo e para. “Është një ndeshje e vështirë. Kemi luajtur me ta në fushën tonë, por unë kam filluar ende të mendoj për atë ndeshje, sepse përgatitja mendore nis të enjten apo të premten”, – ka deklaruar ai.

“Por ata janë me të vërtetë një kundërshtar i fortë, ushtrojnë shumë trysni dhe kanë edhe një përforcim të ri të mirë, dhe prandaj do të na duhet të luftojmë fort në këtë ndeshje të dytë”, – ka theksuar amerikani i Teutës. Edhe për qendrën tjetër, basketbollistin e Kombëtares kuqezi, Endrit Hysenagolli, Goga Basket është një kundërshtar i vështirë.

Për Hysenagollin, ndryshimi i trajnerit të Teutës, ka ndryshuar edhe lojën e skuadrës. Takimi Goga Basket-Teuta luhet të shtunën, duke nisur nga ora 16:00.