ASNN – Shkodrani i bregdetarëve kërkon nga skuadra të mos ndikohet nga rivalët, vlerëson ecurinë. Goga Basket është përfshirë në një betejë 3-she për kreun e renditjes së Superligës së Kampionatit Kombëtar të Basketbollit të Meshkujve me Teutën dhe Partizanin.
Por për basketbollistin Herio Fasllija, skuadra duhet të përqendrohet tek vetja, pa u ndikuar nga rivalët. Në sfidën e radhës, Goga Basket përballet me Vllazninë e fundit të renditjes, të cilën e mundi në fazën e parë, por për shkodranin e bregdetarëve, çdo ndeshje trajtohet njëlloj.
Ndeshja me Vllazninë ngre siparin e fazës së dytë dhe 29-vjeçari kërkon përqendrim nga skuadra për çdo ndeshje. Për Faslinë, ky sezon do të jetë një sfidë mes 3 rivalesh.
