Dështon Tirana, teksa dje e ka humbur shansin e fundit për të qenë në turin e dytë të Ligës Ballkanike të Basketbollit për Meshkuj. Ka ndodhur kështu, sepse në Sallën Sportive “Fahrie Hoti” në kryeqytet, e tejmbushur dhe në një atmosferë të zjarrtë të krijuar dhe nga “Tirona Fanatiks”, bardheblutë janë mundur nga Karposh Sokoli, me shifrat 83-100.

Për fatin e keq, duke mbetur në fitoren e fundit ndaj Pejës më 1 dhjetor 2016 në Pallatin e Sportit “Asllan Rusi” në kryeqytet, me rezultatin 76-73, me gjithë blerjet duke qenë thuajse kombëtarja e Shqipërisë në basketboll për meshkuj, Tirana ka vërtetuar se mund të ballafaqohet mirë me ekipet e Kosovës. Por jo me ato të rajonit, pra, ato maqedonase e malazeze.

Sepse kthimi në “Fahrie Hoti”, me tifozët mbi shpinë, paçka se bardheblutë nuk duan ta pranojnë këtë, është kthyer në një tension shtesë për skuadrën. Dhe faktet flasin vetë, ndërsa në 3 ndeshje të luajtura në atë sallë, Tirana është mundur, 63-72 me MKK Feni Industries, 56-79 me Sutjeskën e Nikshiqit dhe dje 83-100 me Karposh Sokolin. E, në të tilla kushte kalimi në turin e dytë të Ligës Ballkanike mbeti vetëm një objektiv në letër.

Kurse ndeshja e fundit më 25 janar 2017 me Pejën është thjesht për respekt të kalendarit.

Liga Ballkanike – BIBL 2016-2017

Basketboll – Meshkuj

Grupi A

Java e 9-të

(16-19 janar 2017)

Të hënën:

SIGAL Prishtina – Bashkimi Prizren        87-81

Të martën:

Beroe Stara-Zagora – Teodo                     94-72

Të enjten:

Kozhuv – Kumanovo 2009                                    ora 19:00

Renditja

Nr.       Skuadra                                 N.        F.         H.        Psh-Pp           Pikë

1. Beroe Stara-Zagora             9          6          3          749-729         15
2. Kumanovo                            8          6          2          662-622         14
3. Teodo                                     9          4          5          733-725         13
4. Bashkimi Prizren                 9          4          5          697-712         13
5. SIGAL Prishtina                   9          3          6          696-771         12
6. Kozhuv                                  8          3          5          639-619         11

Grupi B

Java e 9-të

(17-18 janar 2017)

Të martën:

Tirana – Karposh Sokoli 2000                   83-100

Të mërkurën:

MKK Feni Industries – Sutjeska                ora 19:00

Të enjten:

Peja – Trepça Mitrovicë                               ora 19:30

Renditja

Nr.       Skuadra                                 N.        F.         H.        Psh-Pp           Pikë

1. Peja                                        8          5          3          590-526         13
2. Sutjeska Nikshiq                  8          5          3          628-566         13
3. MKK Feni Industries           8          5          3          606-563         13
4. Karposh Sokoli                     9          4          5          700-747         13
5. Tirana                                     9          3          6          623-711         12
6. Trepça Mitrovicë                   8          3          5          484-527         11