ASNN – Në takimin e javës së 9-të të Superligës së Basketbollit të Meshkujve, Partizani pret të shtunën në mbrëmje në kryeqytet Goga Basketin, me të cilën ndan kreun e renditjes. Partizani ka kryesuar gjatë këtyre 8 javëve të para, por për trajnerin Arben Fagu, kjo nuk ishte e papritur. Trajneri i ekipit kryeqytetas thekson se për momentin është tepruar me rekrutimin e lojtarëve të huaj.
Partizani ka kryesuar gjatë këtyre 8 javëve të para të Superligës së Basketbollit të Meshkujve, por për trajnerin Arben Fagu, kjo nuk ishte e papritur. Duke folur për Rrjetin e Radio-Televizionit Shqiptar, trajneri i të kuqve kryeqytetas ka zbuluar edhe faktorët që kanë kontribuuar në suksesin e skuadrës së tij. Për ish-basketbollistin e Partizanit dhe Kombëtares, ky kampionat është i paparashikueshëm.
Trajneri i ekipit kryeqytetas mendon se është tepruar me numrin e lojtarëve të huaj. Fagu është krenar që Partizani i tij është i suksesshëm me basketbollistët vendas, por e pranon që lipsen përforcime. Në takimin e javës së 9-të, Partizani pret të shtunën në mbrëmje në kryeqytet Goga Basketin, me të cilën ndan kreun e renditjes.
