8.08 metra rezultati i shkodranit Izmir Smajlaj, i barabartë me suedezin e vendit të dytë, por Torneus ka pasur një faull më shumë se “mbreti” shqiptar. E ka nisur me 7.81 metra në kërcimin e parë dhe pas xhiros së parë të kërcimeve, ishin 8 finalistë, është i katërti. Shpërthen fort në kërcimin e dytë; 8.02 metra, rekord kombëtar dhe i treti.

Duket se ka emocione, ndërsa nuk ishte e lehtë për të sfida me suedezin Torneus, që në kërcimin e parë pat kërcyer 8.08, apo me ukrainasin Nikiforov, që rezultatin e tij më të mirë e kishte 8.18 metra. Dhe ka një “dishezë” për të në rezultate. Në kërcimin e 3-të faull, në të 4-tin, 6.58 metra, në të 5-tin faull. Shansi i fundit kërcimin e 6-të.

Kanë përfunduar të gjithë atletët, ndërsa ukrainasi e ka mbyllur me 8.07 dhe i 7-ti është Smajlaj për të kërcyer. Vrapim i fuqishëm, kërcim i fuqishëm dhe 8.08 metra. Baraz me suedezin Torneus, që në të 6-tin kërcen 7.98 metra. Është kampion i Evropës atleti shqiptar, sepse ka bërë vetëm dy faulle, kurse suedezi tre.

Dhe festa është e gjitha shqiptar në Beograd. IZMIR SMAJLAJ KAMPION EVROPE, ndërsa përpara shtatë muajsh Luiza Gega do të ishte nënkampione e Evropës në 3,000 metra me pengesa. Atletika shqiptare vijon të kapi majat dhe kjo është meritë e Izmir Smajlajt dhe Luiza Gegës.

Kampionati Evropian i Atletikës

në Salla të Mbyllura – Beograd 2017

Rezultatet teknike të kërcimit së gjati:

1)         IZMIR SMAJLAJ (SHQIPËRI)        8.08 M

2)         Mishel Torneus (Suedi)                  8.08 m

3)         Serhiy Nikiforov (Ukrainë)              8.07 m

4)         Tomash Jasczuk (Poloni)               7.98 m

5)         Julian Hovard (Gjermani)               7.97 m

6)         Lazar Aniç (Serbi)                            7.90 m

7)         Filipo Randaxo (Itali)                       7.77 m

8)         Elvis Misajns (Letoni)                      u skualifikua