ASNN – Mbledhja e radhës e Komitetit Ekzekutiv të UEFA-s do të zhvillohet të mërkurën më 7 shkurt në Paris. Kështu, Komiteti Ekzekutiv i UEFA-s do të mbajë mbledhjen e radhës në Paris të mërkurën më 7 shkurt 2024, një ditë përpara Kongresit të 48-të të zakonshëm të UEFA-s.
Në këtë mbledhje do të marrë pjesë edhe Presidenti i FSHF-së, Armand Duka, në cilësinë e zv/Presidentit të UEFA-s. Në mbledhjen e Komitetit Ekzekutiv të UEFA-s do të diskutohen disa çështje kryesore si Sistemi i shpërndarjes së të ardhurave në veprimtaritë e UEFA-s për meshkuj dhe Përditësimin i raporteve të Komitetit të UEFA-s.
Po kështu, do të diskutohet për “EURO 2024”-ën, veprimtaritë e UEFA-s për klubet në 2024-ën, strategjinë e UEFA-s për periudhën 2024-30, rregulloren e UEFA Regions’ Cup 2024-2025, si dhe Kongresin e UEFA-s 2025m teksa do të bëhet caktimi i datës dhe vendi ku do të mbahet.
