ASNN – Ka qenë për shumë kohë bastion i meshkujve, por, si në çdo fushë të jetës, edhe aty janë femrat që po sfidojnë. Për këtë arsye, UEFA ka planifikuar ta rrisë me 50 % shumën e parave të destinuara për futbollin e femrave të Federatave të Futbollit të çdo vendi anëtar të kësaj organizate.
Këto fonde, të përfituara nga Kampionati Evropian i meshkujve, do t’i marrin Federatat e Futbollit anëtare. Ato do të përfitojnë nga 150 mijë euro çdo vit nga projekti për femrat në futboll, raportojnë mediat ndërkombëtare.
Ky lajm vjen një javë pasi FIFA bëri të ditur se kishin formuluar një “Strategji për Futbollin e Femrave”, me synimin për ta dyfishuar numrin e grave në këtë sport deri në vitin 2026, kur synojnë te këtë rreth 60 milionë gra që luajnë futboll.
“Potenciali për futbollin e grave është i pakufizuar dhe për shkak të kësaj, UEFA ka marrë vendimin për t’i rritur fondet në dispozicion për Federatat e Futbollit të vende anëtare për t’i ndihmuar atyre ta zhvillojnë futbollin e grave sa më shumë”, ka thënë presidenti i UEFA-s, Aleksander Çeferin.
“Duke e rritur numrin e grave që marrin pjesë një futboll dhe duke e ngritur rolin e tyre, ne ndihmojnë për zhvillimin e këtij sporti në kontinent, – ka vijuar ai. – Ky ka qenë një nga synimet e mia, edhe para se të bëhesha president i UEFA-s.”
Investimi vjen pas rritjes që ka pësuar futbolli i grave gjatë viteve të fundit, duke e thyer rekordin për tifozë të cilët e kishin përcjellë ndeshjet e përfaqësueseve të femrave gjatë Kampionatit Evropian të 2017-ës në Suedi. Rreth 178 milionë shikues e ndoqën këtë veprimtari.
