ASNN – Turbina është duke vazhduar me intensitet përgatitjet e saj në prag të sezonit të ri të Kampionatit Kombëtar të Futbollit, teksa tashmë seancën stërvitore e ka zhvendosur në ora 19:30.

Sot cërrikasit do të luajnë një ndeshje miqësore me Kamzën në fushën e kësaj të fundit. Ndërkohë dje paradite drejtuesit e skuadrës cërrikase kanë paguar detyrimet e tyre në Federatën Shqiptare të Futbollit.

Kështu është dhënë kësti i parë deri në janar, teksa kështu janë shlyer gjysma e pagesave në institucionin më të lartë të topkëmbës shqiptare. E tashmë të gjithë janë në pritje të kalendarit të ri të sezonit 2016-2017.

Ajo që dihet është se Turbina do të jetë pjesë e grupit të Jugut, i cili ka një konkurrencë të fortë.