ASNN – Është luajtur të enjten në mbrëmje ndeshja e parë të javës së 8-të të tij, që ka vënë përballë njëra-tjetrës Partizanin e vendit të parë dhe Farka Volejin e vendit të dytë. Dhe përvoja ka bërë diferencën, pasi të kuqtë e trajnerit Ylli Tomori kanë fituar me rezultatin 3-1.

Emocionet e kësaj përballjeje u sollën për sportdashësit drejtpërdrejt nga kanali RTSH Sport i platformës dixhitale të Rrjetit të Radio-Televizionit Shqiptar. Kampionati Kombëtar i Volejbollit për meshkuj ka luajtur të enjten në mbrëmje ndeshjen e parë të javës së 8-të të tij, që ka vënë përballë njëra-tjetrës Partizanin e vendit të parë dhe Farka Volejin e vendit të dytë.

Kjo sfidë, që u luajt në Pallatin e Sportit “Asllan Rusi” në kryeqytet dhe u soll për sportdashësit drejtpërdrejt nga kanali RTSH Sport i platformës dixhitale të Rrjetit të Radio-Televizionit Shqiptar, ka dhuruar një betejë të fortë nga fillimi deri në fund. Dhe përvoja ka bërë diferencën, pasi Partizani ka fituar me shifrat 3-1.

Seti i parë është fituar nga Farka Voleji, pasi skuadra e trajnerit Dritan Bardhi ka triumfuar me rezultatin 25-22. Por ekipi i trajnerit veteran, Ylli Tomori, ka kthyer gjithçka në setin e dytë, duke e fituar atë me shifrat 25-21 dhe duke vijuar të dominojë edhe në setin e tretë, të cilën e ka fituar edhe më thellë, 25-14.

Farka Voleji do të luftojë pikë për pikë në setin e 4-t, por sërish ka vendosur përvoja dhe Partizani e fiton atë 26-24 dhe gjithë ndeshjen me rezultatin e përgjithshëm 3-1. Kështu, Partizani shkëputet edhe më në krye të renditjes, në kuotën e 21 pikëve, 6 më tepër sesa ndjekësja më e afërt, Farka Voleji.

Kampionati Kombëtar

i Volejbollit – Meshkuj

Java e 8-të

(17-19 nëntor 2016)

Të enjten:

Partizani – Farka Volej                     3-1

Të shtunën:

Elbasani – Skënderbeu                  ora 16:00

Erzeni – Vllaznia                             ora 17:30

Studenti – Teuta                              ora 18:00

Tirana                                                 pushim

Renditja

Nr.       Skuadra         N.        F.         H.        Setet               Pikë

1. Partizani        7          7          0          21-2                21
2. Farka Volej    7          5          2          17-8                15
3. Tirana             7          4          3          15-10              12
4. Vllaznia         6          4          2          13-8                12
5. Studenti         6          4          2          12-10              11
6. Erzeni                        6          3          3          12-9                10
7. Skënderbeu  7          1          6            3-19                3
8. Teuta              6          1          5            5-17                2
9. Elbasani        6          0          6            3-18                1