ASNN – Ëndrra e Jusein Bolt për të qenë një futbollist profesionist mund të mos realizohet. Gjatë orëve të fundit është zbuluar se Bolti dhe agjenti i tij, Rik Sims, kanë refuzuar ofertën e parë të kontratës së ofruar nga Sentrëll Kost Merinërs, klubi i futbollit ku Bolt është duke u provuar, pasi ajo nuk plotësonte kushtet e kërkuara. Sipas mediave australiane, duket se marrëdhënia midis Boltit dhe Merinësave mund të përfundojë së shpejti.
Ky informacion vjen pasi Rik Simsi, përfaqësuesi i Boltit, pa kontratën e ofruar nga Merinërs për ish-atletit xhamajkan. Oferta e dhënë nga klubi australian, prej 150.000 $ dhe 750,000 $ të dhëna nga Federata e Futbollit Australian, sipas të përditshmes “Daily Telegraph” të Australisë, është shumë më e ulët se 3 milion dollarëve që Bolti dhe agjenti i tij kanë kërkuar që në fillim. Ka gjithashtu spekulime se Majk Mallvi, trajneri i Merinërsave, nuk është i interesuar për nënshkrimin e Bolt.
Në konferencën për shtyp barazimit 1-1 me Brisbejn Ror, trajneri ka thënë se: “Për ishte një gjë e madhe që e kishim Boltit këtu. I dhamë atij një mundësi. Për futbollin australian do të ishte një gjë e madhe të kishte një kampion të madh si xhamajkani. Por ai nuk është i përgatitur sa duhet. Unë duhet të krijoj një ekip ku të kem lojtarë të përgatitur që të japin ndeshje të mira dhe jo vetëm figura për të sjellë publikun në stadium.” Pas këtij informacioni, drejtuesit e klubit kanë dhënë një deklaratë ku shpjegojnë statusin aktual të negociatave.
“Klubi konfirmon se oferta e kontratës është ofruar nga Merinës dhe negociatat janë në vazhdim me Jusein Bolt dhe përfaqësuesin e tij në lidhje me të ardhmen e tij në futboll, – shkruhet në këtë deklaratë. – Të dy palët janë të gatshëm të arrijnë një marrëveshje për t’i dhënë Boltit mundësinë për të përmbushur ëndrrën e tij”.
