ASNN – Gjashtë persona janë arrestuar nga Sektori për Narkotikët në Drejtorinë e Policisë Qarkut Durrës, në bashkëpunim me Drejtorinë e Përgjithshme të Policisë Tiranë dhe Zyrën e “Interpol”-it është finalizuar me sukses operacioni”Ricarica”.
Në sajë të këtij operacioni kanë përfunduar në pranga 6 persona, të cilët akuzohen për veprat penale ”Krijimi i organizatave kriminale” dhe “Trafikimi i lëndëve narkotike”.
Të arrestuarit janë: Kastriot Dyrmishi 32 vjeç, banues në Durrës, ; Artur Tepshi 49 vjeç, banues në Durrës; Edmond Tepshi 52 vjeç, banues në Durrës ; Laert Teneqexhi 25 vjeç, banues në Durrës; Guido Tepshi 24 vjeç, banues në Durrës ; Luan Tepshi 46 vjeç, banues në Durrës.
Mes tyre bie në sy edhe futbollisti Guido Tepshi, i cili aktivizohet me Kastriotin e Krujës. Tepshi ka qenë edhe lojtar i Kamzës në Kategorinë e Parë, por është aktivizuar edhe me ekipin e moshave të Kombëtares së Nën-19-vjeçarëve.
