ASNN – I cituar nga mediat shqiptare, trajneri i Kombëtares së Shqipërisë, Xhovani De Biazi, tregon se pse e votoi Kristiano Ronaldon për “Topin e Artë”, duke theksuar një dëshirë tjetër. Duke i mbetur besnik oportunizmit që i karakterizon si popull, italiani shpreson që portugezi të mos i shënojë Shqipërisë në ndeshjen e kthimit të Eliminatoreve për Kampionatin Evropian. “E votova Kristiano Ronaldon për ta fituar “Topin e Artë” sepse ai ka luajtur në mënyrë të mahnitshme në vitin e kaluar”, – ka deklaruar italiani.
“Ishte fantastik, – ka vijuar ai. – Por, shpresoj që ai të mos shënoj gol ndaj Shqipërisë.” Në fakt, ka qenë unanime zgjedhja e De Biazit dhe Canës, që 5 pikët e tyre ia kanë dhënë portugezit dhe nuk e kanë fare gjermanin e portës, Manuel Nojerin, në 3-shen e tyre të parë. De Biazi 3 pikët ia ka dhënë kapitenit gjerman, Filip Lahm, ndërsa Cana holandezit Arjen Roben. Nga një pikë të vetme trajneri kuqezi ia ka dhënë holandezit Roben, kurse Cana gjermanit Tomas Myler. Po kështu, krejt e ndryshme ka qenë vota shqiptare për trajnerin më të mirë, që u fitua nga Joakim Lëvi i përfaqësueses gjermane.
Italiani Karlo Ançeloti ka marrë pikët maksimale nga bashkatdhetari i tij, Xhovani De Biazi. Trajneri kuqezi i ka dhënë 3 pikë Lëvit dhe vetëm një Diego Simeones, i cili sidoqoftë ka marrë votat maksimale të Lorik Canës, i cili pas argjentinasit të Atletikos së Madridit, ka renditur italianin e Realit të Madridit dhe gjermanin Lëv.
