ASNN – Tomori duket se është në krizë, ndërsa një javë përpara fillimit të kampionatit është mundur nga kosovarët e Hajvalisë.

Për Hajvalinë ka shënuar Pefgelli në minutën e 16-të. Më pas ka realizuar Hamiti në të 18-n dhe në fund të pjesës së parë, në të 43-n minutë, Emini ka trefishuar.

Vetëm një gol për beratasit e Madrid Muzhajit shënuar nga Dervishi në minutën e 66-të dhe në përfundim 1-3. Më 7 shkurt 2015, Tomori do të presë në Berat Sopotin.