ASNN – Tirana e basketbollit të femrave mund të cilësohet surpriza e javës së 10-të të Kampionatit Kombëtar, që ishte dhe e fundit e fazës së parë. Sepse bardheblutë e trajnerit Roland Avrami, dje pasdite në Sallën Sportive “Fahrie Hoti”, kanë mundur kampionët në fuqi të Flamurtarit.

19-12 ishte pjesa e parë për Tiranën, ndërsa vlonjatet luajnë me hope dhe kanë mangësi në lojën e tyre. Përpiqet trajneri Viron Toska të përmirësojë diçka në lojën e skuadrës së tyre. E përfundimi i pjesës së dytë, me vetëm dy pikë diferencë, 14-12, gjithnjë për Tiranën, duket sikur jep shenjat e duhura.

Por, në pushim, bardheblutë kanë kryesuar 33-24. Tirana vijon të luajë mirë, ndërsa ka në krye kapitenen Eliverta Bujari, e cila ka shënuar edhe vetë. 16-12 është pjesa e 3-të dhe Tirana thellon në 49-36. Tiranës i ikin dy lojtare me pesë gabime personale, por vlonjatet nuk përfitojnë dot.

18-16 për Tiranën pjesa e fundit dhe 67-52, ndërsa Flamurtari pëson humbjen e dytë në kampionat.

Tirana – Flamurtari               67-52

(19-12, 14-12, 16-12, 18-16)

Kampionati Kombëtar

i Basketbollit – Femra

Kategoria e Parë

Grupi A

Java e 10-të

(20 dhjetor 2017)

Skënderbeu – Studenti                  77-63

Vllaznia – Goga Basket                  60-84

Tirana – Flamurtari                          67-52

Renditja

Nr.       Skuadra         N.        F.         H.        Psh-Pp           Pikë

1. Goga Basket 10        9          1          841-618         19
2. Flamurtari      10        8          2          743-670         18
3. Tirana             10        7          3          768-579         17
4. Studenti         10        3          7          634-729         13
5. Vllaznia         10        2          8          591-764         12
6. Skënderbeu  10        1          9          555-772         10