ASNN – Tirana-Vllaznia është ndeshja e radhës që bardheblutë do të luajnë në Stadiumin “Selman Stërmasi”, e vlefshme për javën e 17-të të Kategorisë Superiore të Kampionatit Kombëtar të Futbollit. Bardheblutë kërkojnë tri pikët ndaj shkodranëve për të ruajtur pozitat në renditje.
Tirana luan në fundjavë ndeshjen e radhës me Vllazninë. Bardheblutë kërkojnë të vazhdojnë në rugën e rezultateve pozitive ndaj edhe kundër shkodranëve duan tri pikët. Dritan Smajli ka folur para mediave për objektivin e radhës të skuadrës së tij, që është një tjetër fitore për të ngjitur shkallët e renditjes.
Duke parë pozicionin në renditje dhe diferencën me skuadrat e kreut, për Tiranën objektiv i sezonit mbetet vetëm vendi në veprimtarinë e dytë të klubeve të kontinentit, Ligën e Evropës. Tirana-Vllaznia do të luhet të shtunën në orën 13.00 në Stadiumin “Selman Stërmasi”.
