ASNN – Kategoria Superiore e Kampionatit Kombëtar të Futbollit ka luajtur të dielën pasdreke takimin e parafundit të javës të 28-të dhe Tirana ia ka dalë të marrë një fitore 2-0 në Fier ndaj Apolonisë vendase, duke ruajtur hapin me grupin prej 4 skuadrave të kreut. Bardheblutë kanë kaluar në epërsi në minutën e 23-të të takimit,.

Morina është treguar i qetë nga pika e bardhë dhe ka shndërruar me sukses në gol një 11-metërsh të akorduar për kryeqytetasit. Me këtë epërsi njëgolëshi mbyllen 45 minutat e para, ndërsa në ato të dytat, Apolonia ka guxuar më tepër dhe vetëm shtylla do t’i mohonte golin pas një ore lojë.

Dhe rregulli i futbollit që thotë se po nuk shënove, do të pësosh, ka gjetur zbatim edhe në këtë ndeshje, pasi është Tirana që do të gjejë edhe golin e dytë 10 minuta para përfundimit të kohës së rregullt, gol që fikson fitoren në shifrat 2-0. Kategoria Superiore i ka luajtur të shtunën pasdreke dy ndeshjet e para të javës së saj të 28-të.

Të dyja ndeshjet janë mbyllur me të njëjtin rezultat 1-0 në favor të skuadrave vendase dhe Kukësi ka triumfuar në minutat shtesë ndaj Vllaznisë, kurse Teuta ka mundur Vllazninë me me një 11-metërsh të saktë të Nikës. Takimi i tretë, ai midis Skënderbeut dhe Elbasanit, është luajtur në mbrëmje dhe korçarët kanë fituar me rezultatin e thellë, 5-1.

Renditjen e Kategorisë Superiore e kryeson Skënderbeu, me 60 pikë, dy më tepër sesa Kukësi.

Kategoria Superiore

Java e 28-të

(21-22 mars 2015)

Të shtunën:

Kukësi – Vllaznia                  1-0

Shënues: Pejiç 90′

Stadiumi “Zeqir Ymeri”, Kukës

Teuta – Flamurtari                1-0

Shënues: Nika 68′(11-m)

Stadiumi “Niko Dovana”, Durrës

Skënderbeu – Elbasani       5-1

Shënues: Toçi 13′, Martins 20′, Nimaga 67′, 71′, Latifi 82′ / Gava 24′

Stadiumi “Skënderbeu”, Korçë

Të dielën:

Apolonia – Tirana                 0-2

Shënues: Morina 24′(11-m.), G. Muça

Stadiumi “Loni Papuçiu”, Fier

Partizani – Laçi                     (17:00)

Stadiumi Kombëtar “Qemal Stafa”, Tiranë

Renditja

Nr.       Skuadra         N.        F.         B.        H.        Gsh-Gp          Pikë

1. Skënderbeu 28        18        6          4        43-13              60
2. Kukësi 28        18        4          6        43-20              58
3. Tirana 28        16        6          6        35-18              54
4. Partizani 27        16        5          6        29-16              53
5. Laçi 27        14        8          5        35-15              50
6. Flamurtari 28        9        7          12        22-24              34
7. Vllaznia 28        10        3          15        23-30              30
8. Teuta 28        7        2          19        25-43              23
9. Apolonia 28        4        4          19        9-45              16
10. Elbasani 28        4        1          23        15-54              13