ASNN – Edhe nivelet e dyta të Kampionatit Kombëtar të Basketbollit, si për meshkuj, ashtu edhe për femra. Kështu, në Kategorinë e Parë të meshkujve, të premten, skuadra private e Invejdërs, që debuton këtë sezon me një ekip të rriturish, mposhti në kryeqytet Flamurtarin, me shifrat 75-60.

Ndërkaq, skuadra e Elbasanit korri të shtunën fitoren e parë sezonale, duke mundur 79-67 Apoloninë dhe hyn në garë për një vend në “play-out”. Ndeshja u komandua nga vendasit, që ishin gjatë gjithë kohës në epërsi, ndërkohë që Apolonia e pati të pamundur të rivalizojë, duke mbyllur renditjen ende pa asnjë fitore.

Në takimin e fundit të kësaj jave, të luajtur të dielën, Tirana Eagles Basket ka fituar bindshëm, 90-71, ndaj Skënderbeut, në duelin e dy skuadrave që i kishin fituar dy ndeshjet e para të sezonit, dhe ka marrë e vetme kreun e renditjes, me 6 pikë. Duket se beteja për në ngjitjen në Superligë këtë vit do të zhvillohet midis dy ekipeve private dhe Skënderbeut.

Ndërkaq, në nivelin e dytë të Kategorisë së Parë të Femrave, që njihet si Grupi B, Apolonia ka marrë e vetme kreun, pas fitores bindëse, 70-38, që arriti në fushën e Kamza Basket të premten. Ndërkaq, të shtunën, Skënderbeu shtangu në Korçë Partizanin, duke e mundur 64-53 dhe duke u barazuar me të kuqet në renditje, me nga 3 pikë.

Kampionati Kombëtar

i Basketbollit – Meshkuj

Kategoria e Parë

Java e 3-të

Të premten, 19 tetor 2018:

Invejdërs – Flamurtari                                  75-60

Të shtunën, 20 tetor 2018:

Elbasani – Apolonia                                     79-67

Të dielën, 21 tetor 2018:

Tirana Eagles Basket – Skënderbeu        90-71

Renditja

Nr.       Skuadra                                 N.        F.         H.        Pikë

1. Tirana Eagles Basket          3          3          0          6
2. Invejdërs                                3          2          1          5
3. Skënderbeu                          3          2          1          5
4. Flamurtari                              3          1          2          4
5. Elbasani                                3          1          2          4
6. Apolonia                                3          0          3          3

Kampionati Kombëtar

i Basketbollit – Femra

Kategoria e Parë

Grupi B

Java e 3-të

Të premten, 19 tetor 2018:

Kamza – Apolonia                38-70

Të shtunën, 20 tetor 2018:

Skënderbeu – Partizani       64-53

Renditja

Nr.       Skuadra         N.        F.         H.        Psh-Pp           Pikë

1. Apolonia        2          2          0          145-92            4
2.        Partizani        2          1          1          150-97            3
3.        Skënderbeu  2          1          1          110-128         3
4. Kamza            2          0          2            71-167          2