ASNN – Durrsakët dhe korçarët ndajnë nga një pikë që i lë në “vend-numëro” në renditje. Të dielën në mbrëmje është luajtur edhe takimi i 3-të i vlefshëm për javën e 24-t të Kategorisë Superiore dhe Teuta ka shpërdoruar një epërsi dygolëshe në orën e parë të ndeshjes, për të pësuar dy herë në gjysmëorën e mbetur, duke u detyruar kështu të kënaqej me një pikë të vetme më përballjen me Skënderbeut.
Një përballje që sidoqoftë nuk u shpëtoi polemikave për gjykimin, teksa vendasit arritën të gjenin rrugën e rrjetës në fundin e pjesës së parë, me anë të një 11-metërshi të diskutueshëm, të shndërruar në gol nga Kallaku. Me këtë epërsi minimale do të mbyllet pjesa e parë për durrsakët, të cilët do të vijojnë të gjejnë edhe golin e dytë, në minutën e 62-të, me anë të Traoresë.
Por, vetëm 6 minuta më pas, Muzaka rihapi takimin, duke shkurtuar largësinë e golave për miqtë. Kur u mendua se ndeshja do të përfundonte me triumfin e “Djemve të Detit”, është pikërisht Nazmi Gripshi, ai që shtangu ish-skuadrën e tij në minutën e fundit të ndeshjes, duke shënuar golin e barazimit. Në momentin e shënimit të golit të barazimit, lojtarët e Teutës kanë shpërthyer në protesta.
Ata pretenduam për një faull ndaj Traoresë në sulm. Por gjyqtari nuk mendon kështu dhe nuk ka më kohë dhe Teuta e Skënderbeu e mbyllin në barazim 2-2 takimin midis tyre në Durrës, një pikë kjo që nuk u vlen edhe aq të dy ekipeve.
Kategoria Superiore
Java e 24-t:
Të premten, 1 mars 2019:
Tirana – Partizani 0-0
Të shtunën, 2 mars 2019:
Kukësi – Luftëtari 3-0
Teuta – Skënderbeu 2-2
Të dielën, 3 mars 2019:
Kamza – Laçi (14:00)
Flamurtari – Kastrioti (17:00)
Renditja
Nr. Skuadra N. F. B. H. Gsh/Gp Pikë
- Partizani 24 15 5 4 26-11 50
- Kukësi 24 13 5 6 27-15 44
- Teuta 24 10 10 4 30-19 40
- Laçi 23 9 8 6 19-18 35
- Skënderbeu 24 10 4 10 26-23 34
- Flamurtari 23 9 6 8 20-18 33
- Tirana 24 7 8 9 28-25 29
- Luftëtari 24 7 4 13 20-30 25
- Kastrioti 23 6 2 15 20-40 20
- Kamza 23 4 4 15 12-29 16
