ASNN – Klodian Baku dhe Akil Dimo janë të larguarit e Tërbunit gjatë lëvizjeve të futbollistëve në dimër.
Baku tashmë është bërë pjesë e Ilirisë së Fushë-Krujës, kurse Dimo ka luajtur me Besën e Kavajës.
Por për atë kontribut që kanë dhënë në skuadrën pukjane, ata janë falënderuar nga ultrasit e Tërbunit, “Shqiponjat e Veriut”.
“Ne ju falënderojmë për atë që keni dhënë për fanellën tonë dhe ju urojmë suksese në karrierën tuaj futbollistike”, kanë thënë tifozët në faqen e “Faceobook”-ut të KF Tërbunit.
Ndërkohë pukjanët vijojnë përgatitjet e tyre për ndeshjen e radhës, atë ndaj Burrelit në Stadiumin “Ismail Xhemali” të Pukës.
