ASNN – Ngec sërish Turbina me një barazim kundrejt Tepelenës. Edhe pse vinte nga një fitore nuk arriti të ruante serinë e rezultateve pozitive. Fraksioni i parë i ndeshjes ka nisur i barabartë dhe minutë pas minute Turbina fitoi terren.
Ajo organizon sulme të shpeshta dhe të shpejta, por vetëm në fundin e pjesës së parë ka shënuar golin e epërsisë, që mban firmën e Lleshit. Në pjesën e dytë cërrikasit u munduan të mbanin nën presion kundërshtarit.
Por përpara vërshëllimës së fundit të gjyqtarit Kasa, Karamani ka barazuar në 1-1, që ishte rezultati përfundimtar i ndeshjes, ndërsa kështu Turbina humbet terren dhe i largohet kryesimit në Jug në Kategorinë e Dytë.
Turbina – Tepelena 1-1
Shënues: Lleshi 45’ / Karamani 80’
Turbina: Myftarago, Metaj, Kapja, Xhika (G. Kamami 15’), Ferhati, Xhelili, Lena, Isaraj, Xhardja (Biqiku 85’), Mici (Rrapushi 75’), Lleshi. Trajner: Ë. Belshi.
Tepelena: Boçi, Gaba, Karamani, Qorri, Burhani, Sulaj, Rustemi, Mirani, Jaupi (Sakaj 90’), Cana (Abazi 77’), Beluli (Xhafa 65’). Trajner: I. Selimi
Gjyqtarë: D. Kasa, G. Metani, H. Lila (Kavajë)
Kartonë të verdhë: Metaj / Burhani, Mirani, Beluli
