ASNN – Me 57 milionë dollarë, ai në Nju Jork është turneu me çmimet më të shpërndara në krahasim me turnetë e tjerë madhore, “Grend slem”-et e tjera. Madje këtë vit buxheti ka qenë 7.5% më i madh, krahasuar me vitin e kaluar. Nadali dhe Andre’esku, si fitues kanë marrë përkatësisht 4 dhe 2 milionë dollarë.

“Grand Slem”-i i fundit i sezonit, Turneu i Hapur Amerikan “US Open”, ka shpërndarë më shumë se 57 milion dollarë çmime, që do të thotë 7.5% më shumë se vitin e kaluar, në të cilin Gjokoviçi ishte fituesi. Mundi dhe sakrificat e tenistëve që fitojnë trofeun por edhe ata që marrin pjesë, gjatë tureve, shpërblehen mirë financiarisht. Kështu pasi mori trofeun te meshkujt, Nadal përfitoi plot 4 milionë dollarë (rreth 3 milionë e gjysmë Euro).

Ndërsa Medvedevi, si finalist i “US Open” ka shtuar në llogarinë e tij dy milionë dollarë (mbi 1.7 milionë Euro). Po kaq përfitoi edhe Bianka Andre’esku, që fitoi trofeun tek femrat, pasi mundi në finale Serena Uilliamsin. Ndërsa përsa i përket renditjes së meshkujve (ATP) dhe femrave (WTA), fituesit marrin përkatësisht 2,000 pikë, ndërsa finalistët, 1,200.

Mateo Berretini dhe Grigor Dimitrovi, te meshkujt, dhe Svitolina e Bençiç, tek femrat, që shkuan deri në gjysmëfinale, kanë shijuar shumën prej 960,000 dollarësh (mbi 870.00 Euro). Çerekfinalistët  morën gjysmë milion dollarë,  (450,000 Euro), ndërsa ata të turit të 16-shes morën 280,000 dollarë (rreth 250,000 euro). Përveç kësaj, turneu rezervon gjithashtu të drejtën për të përcaktuar zgjedhjen e lojtarit me paraqitjen më të dobët.

Dhe ajo është Karla Suárez.